BMW nemes awtoulag öndürijisi azyndan ýene 10 ýyl içinden ýandyrylýan hereketlendirijileri öndürmegi meýilleşdirýär we krossowerlerde oturdyljak täze benzinli hereketlendirijilerini işläp taýýarlaýar.
Hususan-da, Handelsblatt gazetiniň çeşmeleri awtoulaglary hödürlemek baradaky ähli borçnamalara garamazdan, BMW X seriýaly krossowerleriň ýakyn on ýylda benzin we dizel hereketlendirijileri bilen öndüriljekdigini habar berýär. Munuň üçin 2027-nji ýyldan soňky döwürde awtoulaglar üçin platforma gutarnykly işlenen bolmaly, bu bolsa mümkin bolan ähli görnüşli priwodlar bilen awtoulag gurmaga mümkinçilik berer.
Täze benzinli hereketlendirijileri ABŞ-daky zawodda öndürilýän BMW X3 we X5 awtoulaglaryna oturtmak meýilleşdirilýär.
BMW-niň ýolbaşçysy Oliver Sipse ozal içinden ýandyrylýan hereketlendirijilerden wagtyndan has ir we oýlanyşyksyz ýüz öwürmezlik barada duýduryş beripdi we bu meselede dürli ýurtlaryň bazarlarynyň isleglerine üns berilmegini teklip edipdi diýip, Automobilwoche neşiri belleýär.
