Space X-iň we Twitter-iň eýesi Ilon Mask Tehas ştatyndaky Bastrop okrugynyň Ostin şäheriniň golaýynda öz şäherini gurmagy meýilleşdirýär diýip, "Wall Street Journal" neşiri ýazýar. Muny Anadolu agentligi ýetirýär.
Şäheri Tehasda Space X we Boring kompaniýalarynyň desgalarynyň gurulýan sebitinde gurmak meýilleşdirilýär.
Maskyň pikirine görä, täze öýlerde kompaniýanyň işgärleri ýaşap, olar ýaşaýyş jaýyny gozgalmaýan emläk bazaryna garanyňda has arzan bahalar bilen kärendesine alyp bilerler.
Belläp geçsek, Tehasyň kanuny ilat nokadynyň ilatynyň sanynyň azyndan 201 adam bolmagyny göz öňünde tutýar. Diňe şeýle ýagdaýda sebite arza tabşyrylandan soň şäher statusy berlip bilner.
Mundan başga-da, bu proses okrugyň kazysy tarapyndan tassyklanmalydyr.
Bastrop okrugynyň çinowniginiň habarynda Maskdan hem, onuň eýeçilik edýän haýsydyr bir guramasyndan hem heniz hiç hili arzanyň gelmändigi aýdylýar.
