TikTok 2023-nji ýylyň başyndan bäri Facebook-a, Instagram-a, Twitter-e we Snapchat-a garanda goşundydaky göni satuwlarda 205 million dollar artyk gazandy.
Report-yň aýdyşyna görä, bu barada Forbes žurnaly habar berýär.
Apple korporasiýasy 2021-nji ýylda agzalan ulgamlar tarapyndan gurluşlarynda ýygnalýan maglumatlaryň mukdaryny çäklendirmek ukybyny girizenden soň, görkezilen we beýleki şuňa meňzeş platformalaryň monetizasiýa modeli ep-esli üýtgedi diýip neşir belleýär. Netijede, maksatly mahabatyň netijeliligi peseldi, ondan girdeji azaldy we bu platformalar beýleki girdeji çeşmelerini gözlemeli boldular. Esasanam aýratyn hyzmatlardan, premium statuslaryndan we ulanyjylar üçin goşmaça aýratynlyklardan ybarat goşundynyň içindäki söwdany ösdürmek ýagdaýdan çykalga bolup hyzmat etdi.
Forbes, girdeji çeşmesi hökmünde göni satuwlara geçmegiň entek başlangyç tapgyrdadygyny, şol bir wagtyň özünde-de mahabat girdejilerinden birnäçe esse pesdigini nygtaýar. Mysal üçin, Meta tölegli barlamak bilen synag edip, şeýle guraly ýaňybir özleşdirmäge başlaýar, Twitter diňe geçen güýzde bu ugra ýüzlendi. TikTok öňdeligini düşündirýän bu ugry takmynan iki ýyl bäri ösdürýär. Forbesiň pikiriçe, TikTok tarapyndan ulanylýan monetizasiýa modelleri ýakyn ýyllarda bu pudak üçin esasy ösüş akymy bolup biler.
