Amerikaly alymlar adam beýni öýjükleriniň üç ölçegli ösüntgilerine esaslanýan biokompýuterleri döretmegiň üstünde işleýärler. Olara beýni organoidleri diýilýär.
Pikiriň awtorlary, kremniý esasly kompýuterleriň sanlary dolandyrmakda, elbetde, has gowudygyny bellediler. Emma adam beýnisiniň özleşdiriş ukyby olaryňkydan has ýokarydyr, üstesine-de, oňa has az energiýa sarp edilýär.
Mysal üçin, 2017-nji ýylda dünýäniň iň gowy Go oýunçysyny ýeňen “AlphaGo” algoritmini herekete getirmek üçin işjeň uly adamy on ýyllap iýmitlendirmeklige garanda, has köp energiýa sarp edildi.
Şeýle hem beýniniň özboluşly ýat göwrümi bar, takmynan 2500 terabaýt.
Şol bir wagtyň özünde, gözlegçiler kremniniň kompýuter ýadynyň fiziki çäklerine ýakynlaşýarlar. Galyberse-de, kiçijik çipe diňe çäkli mukdarda tranzistorlary gaplap bolýar.
Emma adamyň beýnisiniň gurluşy düýbünden başga. Onda takmynan 100 milliard neýron bar, hersiniň beýleki beýni öýjükleri bilen müňden gowrak baglanyşygy bar. Bu häzirki kompýuterleriň deňleşip bilmejek ägirt uly potensialydyr.
