2030-njy ýyla çenli Ýaponiýanyň Nissan Motor Co. awtoulag konserni tarapyndan 27 sany täze awtoulag modeli, şol sanda 19 sany elektrik ulagy hödürlener. Kompaniýa 2024-nji ýylda elektrik ulaglary üçin iň bäsdeş gurşawy görkezýän Hytaý üçin ýörite elektrik awtoulagyny bazara çykarmagy meýilleşdirýär.
Ýaponiýanyň awtoulag öndürijisi Nissan Ambition 2030 -yň uzak möhletleýin gözýetimini amala aşyrmagy maksat edinýär. Islegleri amala aşyrmak üçin Nissan 2026-njy ýyla çenli elektrik we gibrid ulaglary ösdürmek üçin takmynan 14,7 milliard dollar ýa-da 2 trillion ýen maýa goýar. Bu wagta çenli kompaniýa gibrid modelleri goşmak bilen elektrikli awtoulaglaryň paýyny Ýaponiýadaky satuwlarynyň 58 göterimine weÝewropadaky satuwlarynyň 98 göterimine çenli artdyrmagy meýilleşdirýär.
Şol bir wagtyň özünde, Nissan-yň islegleri Ýaponiýa we Ýewropa bilen çäklenmeýär: 2030-njy ýyla çenli elektrik ulaglarynyň ýapon konserniniň dünýädäki satuwynda paýy 55 göterime ýetmeli diýip, RIA Nowosti habar berýär.
