21-nji fewralda Prezident Serdar Berdimuhamedow resmi sapar bilen Bahreýn Patyşalygyna ugrady. Iki ýarym sagatdan soň, Türkmenistanyň Prezidentiniň uçary Muharrak şäheriniň Halkara howa menziline gondy.
Serdar Berdimuhamedow Bahreýn Patyşalygynyň Premýer-ministriniň orunbasary Şeýh Halid bin Abdulla Al-Halifa hem-de beýleki resmi adamlar garşyladylar.
Ertir, 22-nji fewralda Türkmenistanyň Prezidenti Serdar Berdimuhamedowyň Bahreýniň Patyşasy Şeýh Hamad Bin Isa Al-Halifa bilen duşuşygy bolar. Ýokary derejede geçiriljek türkmen-bahreýn gepleşikleri uzakmöhletleýinlige, özara bähbitlilige esaslanýan iki ýurduň arasyndaky däp bolan hyzmatdaşlyga kuwwatly itergi berer.
Resmi sapar wagtynda Türkmenistanyň Prezidentiniň kabulhanasy «Four Seasons» myhmanhanasynda ýerleşer.
Türkmenistan bilen Bahreýn Patyşalygynyň arasynda diplomatik gatnaşyklar 1995-nji ýylyň dekabr aýynda ýola goýuldy.
