Hytaý koronawirus pandemiýasyny üstünlikli ýeňip geçdi we indi bütin dünýä boýunça aragatnaşyklary gaýtadan dikeltmäge taýýar. Bu barada Hytaýyň Kommunistik partiýasynyň MK-nyň Daşary işler boýunça komissiýasynyň kanselýariýasynyň müdiri Wan I Ýewropa Bileleşiginiň Daşary işler we howpsuzlyk syýasaty boýunça ýokary başlygy Žozep Borrel bilen duşuşygynda aýtdy. Bu barada Hytaýyň Daşary syýasat edarasynyň saýtyna salgylanyp, rbc.ru habar berýär.
“Hytaý pandemiýadan üstünlikli geçdi we Ýewropa hem-de dünýä bilen aragatnaşygyny gaýtadan dikeltmäge taýýar” – diýip, Wan I belledi. Beýanda taraplaryň söwdanyň pandemiýadan öňki derejä çalt gelmegine ýardam bermek üçin Hytaýyň we ÝB-niň liderleriniň dürli ugurlarda “ýokary derejeli gepleşik” mehanizmlerini ulanyp, täze duşuşyklaryna taýýarlyk görüp bilýändigi aýdylýar.
Ýatlap geçsek, 2022-nji ýylyň dekabrynda Hytaýda koronawirus çäklendirmeleriniň gowşadylmagy netijesinde kesel hadysalarynyň sanynyň ep-esli ýokarlanmagy sebäpli koronawirus baradaky gündelik maglumatlary neşir etmek bes edildi.
2023-nji ýylyň başynda HHR-iň häkimiýetleri koronawirus üçin nol çydamlylyk syýasatyndan ýüz öwrüp, çäklendirmeleri kem-kemden gowşadyp başladylar.
