Bütindünýä saglygy goraýyş guramasy maglumat toplamakdaky kynçylyklar sebäpli koronawirus ýokanjynyň gelip çykyşy baradaky derňewi togtatmak kararyna geldi. Bu barada çarşenbe güni The Daily Telegraph gazeti guramanyň hünärmeni Mariýa wan Kerkhowa salgylanyp habar berdi.
"Bütin dünýädäki syýasy wakalar COVID-19-yň gelip çykyşyna düşünmekdäki ilerlemä päsgelçilik döretdi" - diýip, ol mälim etdi.
Hünärmen koronawirusy öwrenmegiň ikinji tapgyryna garaşylmaýandygyny aýtdy.
BSGG-niň başlygy Tedros Adanom Gebreýesus 2021-nji ýylyň iýul aýynda guramanyň COVID-19-yň gelip çykyşyny öwrenmegiň ikinji tapgyryna taýýarlanýandygyny aýdypdy. Ol BSGG-niň HHR-iň ýolbaşçylaryndan aç-açanlyga garaşýandygyny belledi. Gebreýesusyň sözlerine görä, gözlegleriň birinji tapgyry pandemiýanyň başlangyjyndaky maglumatlara elýeterlilik ýaly birnäçe meseleler bilen ýüzbe-ýüz boldy.
