Coca-Cola amerikan kompaniýasy dördünji çärýekde arassa girdejisini 16% azaltdy, ýöne girdejisini 7% ýokarlandyrdy. Kompaniýanyň metbugat relizinde habar berlişi ýaly, oktýabr – dekabr aýlarynda arassa girdeji geçen ýylyň degişli döwründäki 2,414 mlrd dollar ýa-da paý üçin 56 sent bilen deňeşdirilende, 2,031 mlrd dollar ýa-da paý üçin 47 sent boldy. Bu barada interfax.ru belleýär.
Girdeji bir ýyl ozalky 9,464 mlrd dollara garşy 10,125 mlrd dollara ýetdi. Organiki ösüş 15% boldy.
Coca-Cola-nyň Demirgazyk Amerikada girdejisi geçen çärýek 14%, Latyn Amerikasynda 25%, Aziýa-Ýuwaş umman sebitinde 3% ýokarlandy, EMEA sebitinde 7% azaldy.
Natural aňlatmada satuw möçberi ýyllyk hasabynda 1% azaldy. Gazly içgileriň satuwy 4% ýokarlandy. Şireli suwlaryň, süýtli içgileriň we ösümlik esasly içgileriň satuwy 7% azaldy, suwlaryň, sport içgileriniň, kofeniň we çaýyň satuwy 6% ýokarlandy.
2022-nji ýylyň jemi boýunça Coca-Cola-nyň arassa girdejisi 2% azalyp, bir ýyl ozalky 9,771 mlrd dollara garşy 9,542 mlrd dollar boldy. Girdeji 11% ýokarlanyp, 43,004 mlrd dollara ýetdi.
Ýylyň dowamynda kompaniýanyň kapitallaşdyrmasy 0,5%, 257,8 mlrd dollara çenli azaldy.
