Amerikaly telekeçi Ilon Mask özüniň Twitter profilinde bir günüň içinde köp sanly reaksiýa toplan jedelli post neşir etdi. Telekeçi postunda 36 million gezek görlen ýönekeý nokady ýerleşdirdi. Mundan başga-da, ulanyjylar oňa, takmynan, 222 müň «Haladym» belligini hem goýdular.
Teswirlerde abonentleriň käbiri telekeçä jogap ýazyp hem başlady — jogap hökmünde başga dyngy belgileri ýa-da hatlary iberdiler. Başga birleri bolsa Maskyň habaryndan gizlin many tapmaga synanyşdylar.
Munuň öňüsyrasynda Mask sosial torda durmuşynyň iň kyn aýlaryndan zeýrendi. Millioner soňky döwürde iş sebäpli gaty az uklaýandygyny boýun aldy. The Wall Street Journal neşiri telekeçi Twitter Inc.-i satyn alany bäri onuň iş ýüküniň hepdede 120 sagada çenli, käte bolsa ondanam has artandygyny tassyklady.
