Günorta Amerikanyň dört ýurdy 2030-njy ýyldaky futbol boýunça dünýä çempionatyny öz ýerinde geçirmäge isleg bildirýär. Günorta Amerikanyň futbol işgärleri muny dünýä çempionatynyň 100 ýyllygyna gabatlamak isleýärler.
Gürrüň Argentinanyň, Çiliniň, Urugwaýyň we Paragwaýyň bilelikdäki arzasy barada gidýär. Argentinanyň futbol federasiýasynyň prezidenti Klaudio Tapia köpçülikleýin tagallalar arkaly şeýle dünýä çempionatyny geçirmek isleýändigini aýtdy.
"Bu gün biziň dört ýurdumyzyň taryhy üçin diýseň möhüm gün. Biz Dünýä çempionatynyň 100 ýyllygyna gabatlap ýene-de ony özümizde geçirmegi arzuw edýäris — diýip, AFA-nyň metbugat gullugy onuň sözlerini getirýär — Biz, günorta amerikalylar, hemmämiz futbolyň muşdagy we onuň bilen ýaşaýarys”.
"Munuň gaty uly borçdugyna düşünýäris we Argentinanyň, Çiliniň, Urugwaýyň we Paragwaýyň 2030-njy ýyldaky futbol boýunça dünýä çempionatyny geçirmegi başarjakdygyny dünýä subut etmelidigimizi bilýäris".
Ozal Ispaniýanyň Portugaliýa bilen 2030-njy ýylda bitewi dünýä çempionatyny geçirmek isleginiň bardygy yglan edilipdi we Saud Arabystanynyň dünýä çempionatynyň ýer eýesi bolmak üçin Müsür we Gresiýa bilen birleşmek isleýändigi aýdylypdy .
Ilkinji dünýä çempionatynyň 1930-njy ýylda Urugwaýda geçirilendigini ýatladýarys.
