Türkmenistanyň daşary işler ministri Raşid Meredow köp sanly adam pidalaryna we şikes ýetmelerine getiren güýçli ýer titreme zerarly Türkiýäniň daşary işler ministri Mewlýut Çawuşogla gynanç hem medet beriji sözlerini aýtdy. Türkmenistanyň wise-premýeri 6-njy fewralda türkiýeli kärdeşi bilen telefon arkaly gürleşdi.
R.Meredow gurban bolanlaryň dogan-garyndaşlaryna we ýakynlaryna çuňňur gynanjyny ýetirmegi haýyş etdi, şeýle hem şikes alanlaryň tiz wagtda gutulmagyny arzuw etdi.
Türkiýäniň günortasynda güýçli ýer titreme netijesinde aradan çykanlaryň sany 2921 adama ýetdi, bu barada Türkiýäniň Adatdan daşary ýagdaýlar boýunça müdirliginiň (AFAD) ýolbaşçysy Ýunus Sezar habar berdi.
Onuň aýtmagyna görä, 15 834 adam ýaralandy.
Türkiýäniň wise-prezidenti Fuad Oktaý umumylykda ýumrulan diwarlaryň astyndan 7 840 adamy diriligine çykarmagyň başardandygyny habar berdi.
Prezident Rejep Taýyp Ärdogan tebigy betbagtçylygyň pidalarynyň hormatyna Türkiýede ýedi günlük umumymilli matam yglan etdi.
