Hytaý 6-njy fewraldan guramaçylykly syýahatçylar toparlary üçin syýahatçylyk saparlaryny synag görnüşinde gaýtadan dikeldýär. Bu barada TASS-a salgylanyp, gazeta.ru habar berýär.
Agentligiň belleýşi ýaly, häzirki wagtda häkimiýetler tarapyndan tassyklanan sanawa ýigrimi ýurt girýär. Olaryň arasynda Russiýa, Argentina, Wengriýa, Müsür, Indoneziýa, Kamboja, Keniýa, Laos, Malaýziýa, Täze Zelandiýa, Singapur, Birleşen Arap Emirlikleri, Fiji, Şweýsariýa, Tailand, GAR, Kuba, Maldiwler, Filippinler we Şri-Lanka bar.
Ýatlap geçsek, Hytaý häkimiýetleri 2020-nji ýylda koronawirus keseliniň ýaýramagyna garşy göreşiň çäklerinde syýahatçylyk toparlarynyň daşary ýurda çykmagyny gadagan edipdiler.
