Kaliforniýa ştatynyň kazyýetiniň emin agzalary Ilon Maskyň ýolbaşçylyk edýän Tesla kompaniýasynyň paýdarlary tarapyndan gozgalan kazyýet işinde onuň günäkär däldigini aýtdylar. Bu barada CNN anna güni habar berdi.
Kazyýet işiniň esasynda Maskyň Twitterde 2018-nji ýylyň awgust aýynda ýazan ýazgysy ýatýar we Teslanyň her bir paýyny satyn almak üçin 420 dollar göz öňünde tutýandygyny aýdýar. Arza berijileriň pikiriçe, Maskyň, ahyrda başa barmadyk, geleşik baradaky makalasy, ilkibada birden böküşe, soň bolsa kompaniýanyň paýnamalarynyň bahasynyň pese gaçmagyna , zyýan çekenleriň sözlerine görä, milliardlarça dollar ýitmegine sebäp boldy.
Arzaçylar telekeçiniň ýazan makalasy sebäpli dörän maliýe zyýany üçin Maskdan öweztölegini talap etdiler. Emin agzalary telekeçiniň maýadarlaryň maliýe ýitgilerine jogapkär däldigi baradaky pikir bilen ylalaşdylar we arzaçylaryň bu aýyplama babatynda düýpli subutnamalary bermändigini nygtadylar. "Hudaýa şükür, halkyň paýhasy ýeňdi" - diýip, Mask Twitterde kazyýetiň kararyna teswir berdi.
Tesla 2003-nji ýylda Ilon Mask tarapyndan esaslandyryldy. Baş edarasy Tehas ştatynyň Ostin şäherinde ýerleşýär. Ilkibada kompaniýa diňe elektrik ulaglaryny öndürmãge ýöriteleşipdi, ýöne soňra gün panellerini we beýleki energiýa saklaýyş ulgamlaryny döretmäge başlady.
