Dubaýyň iň gymmat ýaşaýyş jaýlarynyň birindäki penthaus 112 mln dollara satyldy. “The National” gazetiniň ýazmagyna görä, bu emirlikleriň taryhynda gozgalmaýan emläk satuwy boýunça iň uly şertnamadyr diýip, TASS habar berýär.
Dokuz ýatylýan otagly we basseýnli penthausyň meýdany 3,5 müň inedördül metrden geçýär. Ol Jumeýra sebitindäki 28 gatdan ybarat Bulgari Lighthouse toplumynyň ýokarsynda ýerleşýär.
2022-nji ýylda Dubaýda ýaşaýyş jaýlary üçin nyrhlaryň ýokarlanandygy hasaba alyndy. Şol bir wagtyň özünde lýuks gozgalmaýan emläklere bolan isleg artdy – her biriniň bahasy 10 mln dollardan gowrak bolan 219 öý satyldy.
Gozgalmaýan emläk pudagyna Dubaýyň ykdysadyýetiniň üçden biri düşýär. Hünärmenler 2023-nji ýylda BAE-de gozgalmaýan emläk obýektleriniň satuwy 2022-nji ýyldaky görkezijilerden ýokary bolar diýip hasaplaýarlar. Geçen ýyl ýurtda rekord derejede, takmynan, 56 mlrd dollara golaý bolan satuw amala aşyryldy, bu 2021-nji ýyla garanyňda 81% köpdür.
