Öň habar berşimiz ýaly, Türkmenistanyň Konstitusiýasynyň 81-nji maddasyna laýyklykda, Türkmenistanyň Mejlisiniň karary bilen Serdar Berdimuhamedowa goşun generaly diýen harby at dakyldy. Şu gün bolsa ýurdumyzyň harby we hukuk goraýjy edaralarynda geçen, 2022-nji ýylda alnyp barlan işleriň netijelerine bagyşlanyp geçirilen Döwlet howpsuzlyk geňeşiniň giňişleýin göçme mejlisinde Türkmenistanyň Prezidentine goşun generaly diýen harby adyň nyşany dabaraly ýagdaýda gowşuryldy. Bu barada «Watan» habarlar gepleşiginde habar berildi.
Döwlet howpsuzlyk geňeşiniň sekretary, goranmak ministri Prezident Serdar Berdimuhamedowy goşun generaly diýen harby adyň dakylmagy bilen harby we hukuk goraýjy edaralarynyň şahsy düzüminiň hem-de işgärleriniň adyndan tüýs ýürekden gutlady.
