«Türkmenhowaýollary» agentligi 2021-nji ýylyň ýanwar aýynda Airbus S.A.S fransuz kompaniýasyndan sargyt eden A330-200P2F ýük howa gämisini aldy.
Orient agentliginiň habar bermegine görä, «Türkmenhowaýollary» «2012-2030-njy ýyllarda Türkmenistanda raýat awiasiýasyny ösdürmegiň Milli maksatnamasynda» göz öňünde tutulan wezipeleri üstünlikli çözmek maksady bilen ýokarda agzalan modeldäki iki sany uçary satyn almak hakynda şertnama baglaşypdy.
Rolls-Royce Trent 700 hereketlendirijileri oturdylan bu görnüşdäki howa gämileri 60 tonna çenli ýük göterijilik ukybyna eýe bolup, 7400 km uzaklyga uçmaga niýetlenendir.
