Türkmenistanyň harby we hukuk goraýjy edaralarynyň harby gullukçylarynyň hem-de işgärleriniň uly topary Türkmenistanyň medallary bilen sylaglanyldy. Degişli Permana Türkmenistanyň Prezidenti Serdar Berdimuhamedow gol çekdi.
Şeýle hem Türkmenistanyň Prezidentiniň ýene-de bir Permanyna laýyklykda, Türkmenistanyň harby we hukuk goraýjy edaralarynyň harby gullukçylarynyň hem-de işgärleriniň uly toparyna harby we ýörite atlar dakyldy hem-de hünär derejeleri berildi.
Belläp geçsek, 27-nji ýanwarda Türkmenistanda Watan goragçylarynyň güni dabaraly ýagdaýda bellenilip geçildi.
