Lexus kompaniýasy awtomobiliň klimata gözegçilik ulgamy üçin täze kämilleşdirişi teklip etdi. Onuň düzümine diňe bir ýyladyş prosesini täsirli etmän, eýsem energiýany tygşytlamaga mümkinçilik berýän infragyzyl şöhlelendirijiler girer. Energiýanyň tygşytlanmagy Lexus-da aýratyn möhüm hasaplanýar, sebäbi täze ulgam RZ elektrokrossoweri üçin işlenip düzülendir.
Lexus-da infragyzyl şöhlelenmeden emele gelýän ýylylygyň täsiri aýaga ýapylan ýyly ýorgan bilen deňeşdirildi. Ýyladyş sürüjiniň we öňdäki ýolagçynyň dyzlarynyň derejesinde ýerleşdirilen iki panel bilen amala aşyrylar. Eger has yssy bolsa, olaryň hersine diňe panele el degirmek ýeterlik bolar, şonda ýyladyş temperaturasy peseler. Infragyzyl şöhlelendirijiler adaty gyzdyryjylardan tapawutlylykda diňe görünýän zolakdaky gaty üstleri gyzdyrar.
Şeýle ulgamyň ulanylmagy, adatça, sowuk howada elektrokaryň salonyny gyzdyrmak üçin zerur bolan elektrik energiýasynyň 8%-ini tygşytlamaga mümkinçilik berer. Şol bir wagtyň özünde Lexus-da adaty klimata gözegçilik ulgamyndan ýüz öwürmek göz öňünde tutulmaýar: üýtgeşme parallel ulanylar we ýyladyş üçin zerur wagty azaltmaga gönükdiriler.
Kompaniýa şu ýylyň ortalaryndan RZ elektrokrossoweri satyn alyjylara kämilleşdirilen klimata gözegçilik ulgamyny hödürlemegi, ýöne häzirlikçe diňe saýlama bazarlarda hödürlemegi göz öňünde tutýar.
