Magtymguly adyndaky Türkmen döwlet uniwersitetinde Türkmenistanyň Milli Geňeşiniň, ýurdumyzyň jemgyýetçilik wekilleriniň bilelikdäki mejlisinde kabul edilen çözgütlere bagyşlanan dabaraly maslahat geçirildi. Uniwersitetiň saýtynda habar berlişi ýaly, maslahat «Türkmen halkynyň Milli Lideri — milli jebisligiň we mäkäm döwletliligiň daýanjy» ady bilen geçirildi.
Maslahatda çykyş edenler Türkmenistanyň Milli Geňeşiniň, ýurdumyzyň jemgyýetçilik wekilleriniň bilelikde geçirilen mejlisinde «Türkmen halkynyň Milli Lideri hakynda» Türkmenistanyň Konstitusion kanunyna laýyklykda Gurbanguly Berdimuhamedowyň «Türkmen halkynyň Milli Lideri» diýlip yglan edilmegi, 2023-nji ýylyň ilkinji günleri Türkmenistanda kanunçylyk özgertmeleriniň täze tapgyry bilen başlanandygy, ýurdumyzda halk häkimiýetliliginiň ýokary edarasy – Türkmenistanyň Halk Maslahatynyň döredilendigi barada bellediler.
Maslahat bilen ugurdaş Magtymguly adyndaky Türkmen döwlet uniwersitetiniň eýwanynda bilim, saglygy goraýyş, sport we ylym pudaklarynda gazanylan üstünliklere bagyşlanan sergi guraldy.
