Amerikanyň aeronawtika we älem giňişligini öwrenmek boýunça NASA müdirligi Gyzyl planetada Perseverance (Tutanýerlilik) marsohodynyň gazananlary baradaky habary paýlaşdy.
NASA-nyň Perseverance marsohody ilkinji jikme-jik howa hasabatyny berdi.
Rover dürli howa datçikleri bilen üpjün edilen, olara bilelikde MEDA (Marsyň daşky gurşawynyň dinamikasynyň seljerijisi) diýilýär. Alymlar taslamanyň ilkinji 250 solunyň (Mars günleriniň hersi Ýeriňkiden 40 minut uzyn) howa baradaky MEDA hasabatyny çap etdiler. Netijeler Gyzyl planetanyň üstünde haýran galaýmaly dinamiki atmosferany suratlandyrýar.
Madriddäki Astrobiologiýa merkeziniň Hose Antonio Rodriges-Manfrediniň ýolbaşçylygyndaky ispan alymlary tarapyndan döredilen MEDA dik temperatura profilini döretmek üçin dört dürli belentlikde Mars howasynyň temperaturasyny yzygiderli ölçeýän, iligiň ululygyndaky bäş datçigi öz içine alýar; ýel tizliginiň iki datçigi; we radiasiýany, tozany, çyglylygy we atmosferanyň basyşyny ölçemek üçin goşmaça datçikler.
Perseverance Ýezero kraterindäki howanyň ortaça temperaturasynyň -55°C-ny, ýöne onuň -50 ° C-dan -60 ° C-a çenli aralykda üýtgäp biljekdigini kesgitledi. Atmosfera basyşy hem gündelik, hem möwsümleýin üýtgäp durýardy.
Şemal barada aýdylanda bolsa, günortanlar tizligi sekuntda 25 m-e ýetýän günorta-gündogardan öwüsýän güýçli ýeller bolýar, öýlänligine bolsa bolsa tizligi sekuntda 7 m-e ýetýän gowşak şemally, gije ýeliň ugry üýtgeýär we ýerli wagt bilen irden sagat 4-den 6-a çenli asla ýel ýok.
