«Uzbekneftegaz» paýdarlar jemgyýeti şu ýyl Buharanyň nebiti gaýtadan işleýän zawodynyň kuwwatyny artdyrmak üçin Malaýziýanyň Petronas Çarigali kompaniýasynyň türkmen şahamçasyndan nebit satyn almagy meýilleşdirýär.
Bu barada çarşenbe güni holdingiň metbugat gullugy habar berdi diýip, Report ýazýar.
"Uzbekneftegazyň" ýolbaşçylary we Petronas Çarigali kompaniýasynyň Daşkentdäki wekiliýeti ikitaraplaýyn hyzmatdaşlygyň meselelerini ara alyp maslahatlaşdylar. Petronas Çarigali 1996-njy ýyldan bäri türkmen nebit-gaz bazarynda Hazar ýalpaklygyny özleşdirip gelýär.
"Gepleşikleriň netijeleri boýunça taraplar 2023-nji ýylda Türkmenistandan Özbegistan Respublikasyna nebit ibermegiň meýilnamasyny bilelikde taýýarlamak barada ylalaşyk gazandylar" - diýip, "Uzbekneftegazyň" habarynda aýdylýar.
Hususan-da, Özbegistanda Buharanyň nebiti gaýtadan işleýän zawodynyň kuwwatyny artdyrmak üçin Türkmenistandaky “Petronas Çarigaliniň” kärhanalaryndan çig nebiti import etmegiň mümkinçiligi barada gepleşildi.
