Brand Finans konsalting kompaniýasy dünýädäki iň gymmat 500 brendi öz içine alýan nobatdaky Brand Finans Global 500 sanawyny neşir etdi. Bu ýyl Tesla markasy awtoulag pudagynda birinji ýeri eýeledi, bir ýyl ozal bu ýeri Toyota eýeläpdi. Umumy sanawda Tesla 9-njy ýerde durýar.
Hünärmenler Tesla brendini 66,2 milliard dollarlyk diýip bahalandyrdylar: bu bolsa 2022-nji ýyldakydan 44% ýokarydyr we bu amerikan kompaniýasynyň sanawda 28-nji orundan 9-njy orna çykmagyna mümkinçilik berdi. Ikinji orny 3% arzanlap, 58,8 milliard dollara gelen Mersedes-Benz saklady. Dünýädäki ähli brendleriň arasynda nemes markasy geçen ýyldan bäri bir setir aşak düşüp, 16-njy orny eýeledi.
Geçen ýylyň öňdelikçisi Toyota, 2022-nji ýylda ýüze çykan meseleleriň çäginde, awtoulag markalarynyň arasynda üçünji orny eýelese-de, umumy sanawda diňe 19-njy boldy. Ýapon brendiniň gymmaty 52,5 milliard dollar bolup, geçen ýylkydan 18% aşak düşüşine, Toyota dünýäde 12-nji ýerde durýar.
Şeýlelikde, awtoulag pudagyndan diňe üç marka dünýäniň iň gymmat ýigrimi brendiniň hataryna girýär, ýöne ilkinji 50-likde ýene-de birnäçesiniň ady agzalýar: BMW (33-nji ýer), Porsche (40-njy ýer), Mitsubishi Group (43-nji ýer) we “Volkswagen” (47-nji ýer).
