Ýakyn wagtda Arkadag şäherinde baş metjidiň düýbi tutulyp, onuň gurluşygyna badalga berler. Bu waka ähli halkymyz gatnaşyp, şu mynasybetli sadaka berler. Munuň maksadalaýyk boljakdygy barada Gurbanguly Berdimuhamedow 15-nji ýanwarda Arkadag şäherine amala aşyran iş saparynyň çäklerinde belledi.
Metjidiň il içinde «Allanyň öýi» hasaplanýandygyny aýdyp, hajy Arkadagymyz welaýatyň baş metjidiniň gurluşygyna ýaşulular we hünärmenler bilen maslahatlaşyp, sähetli gün badalga bermek hem-de şu mynasybetli toý sadakasynyň geçirilmegi babatda maslahatlaryny berdi.
Gurbanguly Berdimuhamedow bu baradaky gürrüňi dowam edip, metjidiň gurluşygyna, onuň mährabynyň ýerleşjek ýerini kesgitlemäge din wekilleri hem-de il sylagly ýaşulular bilen maslahatlaşylyp başlanmagynyň maksadalaýyk boljakdygyna ünsi çekdi.
Belläp geçsek, welaýatlaryň baş metjitleri ilki Mary welaýatynda guruldy. Soňra Daşoguz welaýatynda, Lebap welaýatynda Balkan welaýatynda baş metjitler ulanmaga berildi.
