«Röwşen» hususy kärhanasy Daşoguz atçylyk toplumynyň ýaryş ýoluna täze döwrebap düşemesini gurar we toplumda abatlaýyş işlerini geçirer. Munuň üçin «Türkmen atlary» döwlet birleşigine degişli hususy kärhana bilen goşmaça şertnama baglaşmaga rugsat berildi.
Degişli resminama Türkmenistanyň Prezidenti 8-nji ýanwarda gol çekdi. Bu barada «Watan» habarlar gepleşiginde habar berildi.
Bellenilişi ýaly, bu resminama Türkmenistanyň Prezidentiniň 2022-nji ýylyň 23-nji iýulyndaky «Daşoguz atçylyk toplumynyň ýaryş ýolunyň durkuny täzelemek barada» №195 kararyna laýyklykda kabul edildi.
