Toyota özüniň iň kaşaň wsedorožnigini çykarmaga taýynlanýar. BestCarWeb neşiriniň çeşmeleriniň berýän maglumatlaryna görä, taslama ýurduň içinde “Century” ady bilen tanalýar: krossower aňrybaş kaşaň modelleri saýlaýan toparlar üçin meşhur sedanyň ornuny tutjak bir görnüş bolsa gerek. Kompaniýanyň "ýapon Cullinany" diýip atlandyrýan täze ulagynyň ilkinji çykyşy öňümizdäki tomus bolar.
Krossower häzirki wagtda köne GX modeliniň ornuny tutmagyna garaşylýan täze Lexus TX wsedorožnigi üçin taýýarlanylýan şol bir platformada gurlar. Şeýle-de bolsa, Toyota Century has uly we has kaşaň bolar.
Neşiriň berýän habaryna görä, geljekki täze ulagyň, tigir bazasy 3 metrlik bolanda, ölçegleri 5200x1950x1750 millimetr bolar. Şeýlelik bilen, ol Century Land Cruiser 300-den takmynan 250 millimetr uzyn bolar. Eger Lexus TX ýedi adamlyk diýip meýilleşdirilen bolsa, Century-nyň kabinasynda diňe iki hatar oturgyç galar. Ikinjisi aýratyn oturgyçlardan ybarat bolmagy mümkin.
Toyota, täze model çykandan birnäçe ýyl soň, Century-nyň elektrik görnüşini hödürlär.
