General Motors Co. (GM) amerikan awtoöndürijisi 2022-nji ýylda ABŞ-nyň bazarynda satuw boýunça Toyota Motor Corp. kompaniýasyndan öňe geçip, liderligini gaýtaryp aldy. Geçen ýyl amerikan bazarynda GM-iň satuwy 3% ýokarlanyp, 2 mln 274,088 müň awtomobile barabar boldy. GM elektromobilleriniň satuwy 58% ýokarlanyp, 39,179 müňe ýetdi diýlip, kompaniýanyň habarynda aýdylýar. Muny interfax.ru ýetirýär.
Şol bir wagtyň özünde, Toyota Birleşen Ştatlarda 2 mln 108,458 müň awtomobil satdy, bu bolsa 2021-nji ýyla garanyňda 10% azdyr. Kompaniýanyň elektrik hereketlendirijili ulaglarynyň, şol sanda gibrid ulaglarynyň satuwy 14%, 504,016 müňe çenli azaldy.
Bu ýylyň dördünji çärýeginde GM ABŞ-da 623,261 müň awtomobil (bir ýyl ozalky degişli çärýege garanyňda +41%), şol sanda 16,266 müň elektromobil (+62%) satdy.
Oktýabr – dekabr aýlarynda Toyota-nyň amerikan bazaryndaky satuwy 536,744 müň awtomobile barabar boldy.
2021-nji ýylda Toyota ABŞ-nyň bazarynda ilkinji gezek satuw boýunça 1931-nji ýyldan bäri birinji orny saklap gelýän GM-den öňe geçip, lider boldy. GM-iň 2022-nji ýylda öňdebaryjylygyny gaýtaryp alandygyna garamazdan, kompaniýanyň satuwy kowidden öňki derejeden ep-esli pes boldy: 2019-njy ýylda awtoöndüriji ABŞ-da tas 2,9 mln awtoulag satdy.
