Lexus 2023-nji ýylyň güýzünde super ykjam wsedorožnigi çykarmagy maksat edinýär diýip, BestCarWeb neşiri ýazýar. Şol bir wagtda kompaniýa iň uly krossowerini ösdürmegini togtatdy. Ol bazara LF ady bilen girip, 4.0 litrlik turbo görnüşli V8 almalydy. Bu hereketlendirijiniň üstünde işlemek hem bes edildi.
Neşiriň çeşmeleri täze Lexus krossoweriniň uzynlygynyň 4 metrden geçmejekdigini aýdýarlar. Ony 1,5 litr göwrümli üç silindrli hereketlendirijiniň esasynda gibrid güýç gurluşy bilen enjamlaşdyrmak meýilleşdirilýär.
Toyota Aygo X wsedorožnigi ykjam täze ulag üçin esas bolmaly: kompaniýa Aygo hetçbekini nesil üýtgemesi wagtynda krossowere öwürdi. Bu model kuzowyň dizaýnyna täzeden sereder we täze interýer dizaýn eder. Mundan başga-da, Aygo X uzynlygy 3,7 metr bolany üçin birneme ulalyp biler. Bu modeliň gibrid güýç gurluşlary bilen enjamlaşdyrylmandygy bellärliklidir, ýöne olar başga bir kiçi Yaris Cross krossoweriniň hereketlendirijisiniň motor gammasyna girýär.
Iň uly krossower barada aýdylanda bolsa, ol flagman LS sedany esasynda işlenip düzülmelidi. Kompaniýa 4.0 litrlik turbo görnüşli V8-ni diňe bir bu model üçin ulanmagy meýilleşdirmändi - mysal üçin, şeýle hereketlendirijini täze flagman Lexus superkarynyň alyp biljekdigi öň habar berlipdi. Işleriň nä sebäpden ýatyrylany takyk aýdylmaýar.
