BMG Durnukly ösüş maksatlaryny (DÖM) durmuşa geçirmegi tizleşdirmekde Türkmenistana ýardam berýär. Bu barada BMG-niň Türkmenistandaky Hemişelik wekili Dmitriý Şlapaçenko Trend agentligine aýtdy.
«2030-njy ýyla çenli döwür üçin Gün tertibiniň meselerini we Türkmenistanda Milli Durnukly ösüş maksatlaryny durmuşa geçirmegi ilerletmek üçin BMG-niň agentlikleriniň utgaşdyryş işleri güýçlendirilýär. Aýratynam, Türkmenistanyň hökümetiniň DÖM-e ýetmegi tizleşdirmegiň çärelerini derňemekdäki we işläp taýýarlamakdaky, ýurtda DÖM-i durmuşa geçirmegi maliýeleşdirmek we netijeli monitoring etmek meselelerindäki hemaýatyna uly üns berýär» — diýip, BMG-niň Hemişelik wekili aýtdy.
BMG DÖM-i durmuşa geçirmek üçin guramanyň muňa çekilen ähli agentliklerini goldamakda işjeň mobilizasiýany dowam edýär.
«Şu maksat bilen BMG-niň Türkmenistandaky Hemişelik wekiliniň ofisi giňeldildi. Oňa seljerişi häsiýetdäki täze funksiýalar, şol sanda strategiki meýilleşdiriş boýunça hünärmen, ykdysadyýetçi, hyzmatdaşlygy we ösüşi maliýeleşdirmek boýunça hünärmen goşuldy» — diýip, ol sözüniň üstüni ýetirdi.
