Londonyň «Tottenhem» klubunyň we Braziliýanyň ýygyndysynyň hüjümçisi Rişarlison Katarda geçen dünýä çempionatynda iň oňat goluň awtory boldy. Bu barada Halkara futbol federasiýasynyň (FIFA) metbugat gullugy saýtynda habar berýär.
FIFA dünýä çempionatynyň toparlaýyn tapgyrynyň birinji oýnunyň çäklerinde Serbiýanyň garşysyna oýnalan oýunda Rişarlisonyň üstaşyr geçirip uran goluny iň oňat gol hasaplady.
Ses berlişikde braziliýaly türgen topardaş watandaşy Neýmaryň, fransuz Kilian Mbappeniň, argentinaly Enso Fernandesiň, kamerunly Wensan Abubakaryň, meksikaly Luis Çawesiň, koreýaly Pak Syn Hoýyň, niderlandly Kodi Gakponyň, şeýle hem Saud Arabystanyndan Salema Al-Dosariniň gollaryndan öňe saýlandy.
Braziliýanyň ýygyndysy çärýek final tapgyra ýetip, penalti seriýasynda Horwatiýadan utuldy. Ýewropanyň topary netijede turnirde üçünji ýeri eýeledi.
Oýundan soňky penalti seriýasynda finalda Fransiýany utan Argentinanyň topary mundialyň ýeňijisi boldy.
