Katarda geçirilen dünýä çempionaty Argentina bilen Fransiýanyň arasyndaky çekeleşikli final (esasy we goşmaça wagtda 3:3, 11 metrlik urgular boýunça 4:2) bilen tamamlanypdy. Çempionat gutaransoň, hasap-hesipleri bir ýüzli etmek, her milli ýygynda gazanan ýetdik paýyny bermek meselesi galypdy. NBC Sports-yň habaryna görä, FIFA ýaryşa gatnaşýan toparlar üçin her topara haýsy tapgyra ýetendigine baglylykda göz öňünde tutulan 410 million ýewrodan gowrak baýrak puluny bölüp berdi.
Bäsleşige gatnaşan we toparlardan indiki tapgyra çykyp bilmedik toparlaryň her biri 8,5 million ýewro alar. Olar: Katar, Ekwador, Uels, Eýran, Meksika, Saud Arabystany, Daniýa, Tunis, Kanada, Belgiýa, Germaniýa, Kosta Rika, Serbiýa, Kamerun, Gana we Urugwaý.
1/8 final ýaryşlarynda ýeňlip, oýundan çykan toparlar takmynan 12 million ýewro alarlar. Olar: ABŞ, Senegal, Awstraliýa, Polşa, Ispaniýa, Ýaponiýa, Şweýsariýa we Günorta Koreýa.
Çärýek finalçylar birneme has köp, hersi 16 million ýewro alarlar. Olar: Braziliýa, Gollandiýa, Portugaliýa, Angliýa.
Dördünji orny eýelän Marokkonyň milli ýygyndysy FIFA-dan 23,5 million ýewro, bürünç medal gazanan Horwatiýa bolsa 25,5 million ýewro alar. Dünýä çempionatynyň kümüş medalynyň eýesi Fransiýa 28 million ýewro gazanmagy başardy. Ýaryşda ýeňiji bolan Argentinanyň milli ýygyndysyna 37,5 million ýewro baýrak puly garaşýar.
