Ilon Mask tarapyndan Twitter-de ýörite gurnalan pikir soraşma gatnaşan ulanyjylaryň aglabasy onuň bu kompaniýanyň ýolbaşçysy wezipesinden gitmegi üçin ses berdiler.
Pikir soraşma jemi 17,5 mln ulanyjy gatnaşdy. Olaryň 57%-i Maskyň wezipesinden gitmegi üçin, 43%-i bolsa galmagy üçin ses berdiler.
Owal Mask «bu pikir soraşmanyň netijesine esaslanmaga» söz beripdi.
Häzirki wagtda onuň Twitteriň ýolbaşçysy wezipesinden gitjekdigi ýa-da däldigi, eger gitse, ornuna kimiň geçjekdigi belli däl.
«Islegleriňize seresap çemeleşiň, olaryň hasyl bolmagy ahmal» diýip, Mask pikir soraşma başlanda ýazypdy.
Mask Twittere ýedi hepdeden sähel gowrak wagt bäri ýolbaşçylyk edýär we bu döwür kompaniýa üçin juda ynjalyksyz döwür boldy diýip, The Wall Street Jounal belleýär. Oňa köpçülikleýin işden çykarylmalar, kontentiň moderasiýasynyň syýasatynyň üýtgemegi, şeýle-de iri kompaniýalaryň ýanyndaky mikrobloglaryň torunda mahabatlary ýerleşdirmegiň togtadylmagy mahsus boldy.
