Fransiýanyň wekili Lissandro Ermenistanda geçen «Çagalaryň Ýewrowideniýesi» bäsleşiginde üstün çykdy, diýip saz şüweleňiniň resmi saýtynda habar berilýär. On üç ýaşly Lissandro Oh Maman! rok-n-rol kompozisiýasy bilen çykyş etdi we çykyşy üçin 203 bal aldy. Ýaş artistiň Elwis Presli ruhundaky tolgundyryjy çykyşy «Çagalaryň Ýewrowideniýesiniň» YouTube-kanalynda goýuldy.
«Men şeýle bir bagtly, hemmäňize minnetdar! Ýaşasyn Fransiýa!» — diýip, Bi-Bi-Si ýeňijiniň sylag alan pursadyndaky sözlerini getirýär.
Oglanjyk hakynda aýdylanda, ol bäş dilde aýdym aýdýar, multfilmlere ussatlyk bilen ses berýär, Elwis Presliniň döredijiligini halaýar we özüniň öý haýwanlaryny — Kalina atly towşanyny we Roksi atly mopsyny jandan eziz görýär.
Ikinji ýeri 180 bal toplan Ermenistanyň wekili Nare eýeledi. Üçünji ýeri bolsa 161 bal bilen gruzin ýerine ýetirijisi Mariam Bigwawa aldy.
