Ford Fiesta bilen Focus — brendiň iki sany esasy modeli. Ilkinji gezek 1976-njy we 1998-nji ýyllarda çykarylan, degişlilikde, Fiesta bilen Focus hakyky bestsellere öwrülipdiler.
46 ýylyň içinde ýedi nesil çykaran Fiesta-nyň 22 mln sanysy satyldy. Bu Escort-dan we Ford F-Series pikapyndan soň modeli satylyşy boýunça üçünji ýerde goýýar. Focus dünýä möçberindäki awtoulag hökmünde döredildi we ähli yklymlarda şowly satyldy.
Ýöne gazanylan bu üstünlige garamazdan, Ford bu modelleriň mirasdüşerlerini goýbermezligi karar etdi. Şeýlelik bilen, Ford häzirki nesli olaryň ömür öwrüminiň ahyryna çenli - 2023-nji ýyla çenli Fiesta-ny we 2025-nji ýyla çenli Focus-y goýberer.
Brendiň bestsellerleriniň mirasdüşerleri bolmaz.
Şeýle-de Ford olaryň elektriki wersiýalaryny işläp taýýarlamagy meýilleşdirmeýär: "Fiesta-nyň ýa-da Focus-yň elektrik hereketlendirijili görnüşini goýbermek niýetimizde ýok. Bazar üýtgeýär, sedanlaryň we uniwersallaryň döwri hem geçdi".
