Ford Motor Company tarapyndan öndürilen Ford Mustang Cobra Jet 2200 drag-reýsing ýaryşlarynda elektrik awtoulaglarynyň arasynda täze dünýä rekordyny goýdy.
Awtoulag çärýek mil (402 metr) aralygy 6,87 sekuntda geçdi we pellehanada sagatda 356 km tizlige ýetdi. «Ford Performance» bölümi tarapyndan işlenip düzülen bu taslama adaty ýollar üçin däl-de, diňe ýaryş synaglary üçin niýetlenendir.
Awtoulagyň güýç beriji desgasy umumy kuwwaty takmynan 1,62 MWt (2200 at güýji) bolan iki sany elektromotordan ybaratdyr. Bu rekordyň gazanylmagynda transmissiýa we sazlaşyk ulgamynyň inženerçilik çözgütleri uly orun eýeledi. Olar kuwwatyň netijeli berilmegini üpjün etdi we badalga berlen pursadynda tigirleriň boş aýlanmagyny azaltdy.
Bu netije, ozal diňe içinden ýanýan hereketlendirijili awtoulaglaryň agalyk edýän ugurlarynda indi elektromobilleriň hem rekord goýup biljekdigini görkezýär.
