Xiaomi Buds 4
Xiaomi kompaniýasy Xiaomi Buds 4 TWS-gulaklygyny çykardy. Onuň galmagaly basyjy işjeň ulgamy bar we şu ýylyň awgust aýynda satuwa çykan Buds 4 Pro modeliniň kesilip gysgaldylan görnüşi ýaly.
Xiaomi Buds 4 - silikon ambuşýursyz oturdylýan dykylar. Her gulaklyga aktiw galmagal basyjynyň işini we sesli aragatnaşygy üpjün edýän mikrofonlar goýlan. Ses, hili peselmezden, doly, dury çykýar we audioformat saklanýar (şol sanda LHDC 5.0). Bir gezek zarýad alandan soň 6 sagatlap, zarýad keýsi ulanylanda bolsa 30 sagada çenli awtonom işläp bilýär. Gulaklyklary birbada iki gurluşa birikdirip bolýar.
Xiaomi Watch S2
Xiaomi Watch S2 sagady iki görnüşde - 42 we 46 mm - hödürlendi. Birinjisi 1,32 dýum diagonally, ikinjisi - 1,43 dýumlyk. Matrisasynyň tipi - AMOLED, razreşeniýesi 466x466 piksel. Korpusy poslamaýan polatdan edilen, ekrany ýakyt çüýşe bilen goralan, ATM 5 standarty boýunça suwdan gorag göz öňünde tutulan.
Sagat ganyň basyşyny, gandaky kislorodyň mukdaryny, şeýle hem bedendäki ýagyň, süňkleriň we etiň göterimini ölçäp bilýär. GPS, NFC we Bluetooth 5.2 modullary oturdylan, mikrofon we dinamika arkaly Xiaomi Watch S2-ni sesli gepleşmek üçin ulanyp bolýar. Zarýady bir - bir ýarym hepdä ýetýär.
Xiaomi Sound Pro
Simsiz Xiaomi Sound Pro kolonkasy 4 dinamikadan ybarat ulgam bilen enjamlaşdyrylan, olar sesiň doly çykmagyny üpjün edýärler (şol sanda korpusyň aşakky böleginde sabwufer). Korpusynyň ýokarky bölegi yşyk berijili ýarym dury, ol ýeňiljek depginli sazy wizuallaşdyrýar. Kolonka sesiň çeşmesine Bluetooth-yň ýa-da audiokabeliň kömegi bilen birikdirilýär, SBC we AAC kodeklerini göterýär.
