Kremlde GDA döwletleriniň Liderleriniň resmi däl duşuşygynyň geçiriljekdigi barada habar berdiler. Duşuşygy dekabr aýynyň ahyrynda Snakt-Peterburgda geçirmek meýilleşdirilýär diýip, penşenbe güni RF-niň prezidentiniň halkara işleri boýunça kömekçisi Ýuriý Uşakow brifingde habar berdi.
GDA agza döwletleriň Baştutanlarynyň geňeşiniň resmi däl mejlisi gurama agza döwletleriň iň bolmanda biriniň başlangyjy bilen çagyrylýar we başlangyç bilen çykyş eden döwletiň hödürlän formatynda geçirilýär. Mejlise gatnaşyjylaryň teklipleri we islegleri hem nazara alynýar.
GDA-nyň Baştutanlarynyň şu görnüşdäki duşuşyklary 2005-nji ýyldan bäri geçirilýär, adatça, onuň resmi gün tertibi bolmaýar. Sammitiň çäklerinde Arkalaşygyň döwletleriniň Baştutanlarynyň ikitaraplaýyn we üçtaraplaýyn duşuşyklary geçirilýär.
