Beýik Britaniýanyň poçta bölümleri patyşa Karl III-iň portreti bilen 50 pens bahaly teňňeleri alyp başladylar, ol ýerde şeýle teňňelerden 4,9 mln sanysy kabul ediler diýip, Beýik Britaniýanyň Patyşalyk zikgehanasy habar berdi. Muny interfax.ru ýetirýär.
Teňňäniň ýüzünde ýerleşdirilen patyşa Karl III-iň portreti heýkeltaraş Martin Jennings tarapyndan döredildi, bu portret ilkinji gezek sentýabr aýynyň ahyrynda görkezildi. Teňňede monarhyň ýüzi Beýik Britaniýadaky kabul edilen däbe laýyklykda çep tarapa, ýagny özünden öňkä garşy tarapa öwrülýär.
Teňňäniň ýüz tarapynda Birleşen Korollygyň düzümine girýän dört halkyň gerb galkanlary we nyşanlary şekillendirilen. Ilkibaşda jemi 9,6 mln täze teňňe dolanyşyga goýberiler. Şol bir wagtyň özünde häzirki wagtda dolanyşykda bolan şa aýaly Ýelizaweta II-niň portreti bilen 27 mlrd töweregi teňňe kanuny taýdan töleg serişdesi bolmagynda galýar.
“Le Figaro” Karl III-iň portreti bilen ilkinji banknotlaryň 2024-nji ýylyň ortalarynda dolanyşyga çykjakdygyny belleýär.
