Portugaliýanyň futbolçylary Katarda dünýä çempionatynyň 1/8 finalynda Şweýsariýadan uly hasap bilen üstün çykdylar.
Lusailde geçirilen duşuşyk 6:1 hasabynda tamamlandy. Portugaliýanyň düzüminde Gonsalu Ramuş üç gezek tapawutlandy (17-nji, 51-nji we 67-nji minutlar), Pepe (33), Rafael Gerreýru (55) we Rafael Leau (90+2) hersi bir goldan geçirdi. Şweýsariýadan Manuel Akanji ýeke-täk goly geçirdi (58).
Ramuş Katardaky çempionatda ilkinji het-trigiň awtory boldy. 21 ýaşly oýunçy duşuşygy esasy düzümde başlady, toparlaýyn tapgyrda ol iki gezek Ronaldunyň ornuna çykyp jemi 10 minut oýnapdy.
Ronaldu oýna 73-nji minutda girdi.
Çärýek finalda Portugaliýa 10-njy dekabrda Marokko bilen duşuşar.
