7-nji dekabrdan başlap, «Türkmenistan» awiakompaniýasynyň Maýn boýundaky Frankfurtdan gatnawlary Aşgabada ýerine ýetirilip başlanar. 2022-nji ýylyň awgustynda Türkmenistan bilen Germaniýanyň arasynda howa gatnawlarynyň gaýtadan dikeldilen gününden bäri gatnawlar Türkmenabadyň halkara howa menziline ýerine ýetirilýärdi.
Aşgabat-Maýn boýundaky Frankfurt-Aşgabat ugry boýunça gatnawlaryň täzelenen tertibi Frankfurtyň howa menziliniň resmi saýtynda neşir edildi.
Täze tertip boýunça türkmen uçarlary 2022-nji ýylyň 7-nji dekabryndan 2023-nji ýylyň 25-nji marty aralygynda ýerine ýetirer. Aşgabat-Maýn boýundaky Frankfurt-Aşgabat ugry boýunça gatnawlar hepdede iki gezek — çarşenbe we şenbe günleri ýerine ýetirilýär.
