Kaşaň elektromobilini öndüriji kompaniýa bolan Automobili Pininfarina özüniň doly elektrikleşdirilen Battista Hyper GT giperkary bilen elektromobilleriň arasynda tizligiň täze rekordyny goýandyny mälim etdi. Awtoulag Dubaý awtodromynda birnäçe dünýä rekordlaryny goýdy.
Şeýlelikde, awtoulag şu aşakdaky rekordlary goýdy:
- 1,79 sekuntda sagatda 0-dan 60 mile çenli tizligini artdyrdy;
- 1,86 sekuntda 0 – 100 km/sag;
- 4,49 sekuntda 0 – 120 mil/sag;
- 4,75 sekuntda 0 – 200 km/sag;
- 100 km/sag bilen barýarka 31 metr tormoz ýoly bilen doly saklanmak;
- ýöreýiş ätiýajy 300 mil, ýa-da 482 km, EPA sikli boýunça — elektriki giperkar üçin dünýä rekordy.
Doly elektrikleşdirilen Battista — kuwwaty 1900 a.g.-ne deň, aýlanýan pursady 2340 Hm bolan owal-ahyr çykarylan italýan awtoulaglarynyň arasynda iň kuwwatlysy. Battista Hyper GT aňrybaş tizligini 350 km/sag artdyrýar, WLTP sikli boýunça ýöreýiş ätiýaçlygy 476 km, onuň bahasy bolsa 2,2 mln ýewro bolup, ýerli salgytlar hem üstüne goşulýar.
Her bir Battista Hyper GT 1250 sagadyň dowamynda elde ýygnalýar. Jemi goýberileni 150 nusgadan köp däl.
