Katarda geçirilýän dünýä çempionatynda Argentinanyň toparyndan üstün çykan Saud Arabystany Patyşalygynyň ýygyndysynyň ähli futbolçylary 2,5 million ýewro pul sylagyny aldylar. Bu barada habar beriş serişdeleri ýurduň ýygyndysynyň tälimçiler ştabynyň çeşmelerine salgylanyp maglumat ýaýradýarlar.
Ýeri gelende bellesek, Saud Arabystany Patyşalygynyň ýygyndysy Katardaky dünýä çempionatynda Argentinanyň toparyny haýran galdyryjy ýagdaýda 2:1 hasabynda ýeňmegi başardy. Oýun Lusail şäherindäki “Lusail Iconic Stadium” standionynda 88 müňden gowrak tomaşaçynyň gatnaşmagynda geçirildi.
Oýnuň birinji taýmynda Lionel Messi penalti bilen hasaby açmagy başardy. 48-nji minutda Saud Arabystany Patyşalygynyň ýygyndysynyň ýyldyzy Saleh Al Şehri öz toparyna öňe saýlanmaga mümkinçilik döretdi. 53-nji minutda bolsa ýarymgoragçy Salem Al Dawsari ajaýyp urgy bilen Argentinanyň derwezesine topy geçirdi. Şeýlelikde, Katardaky dünýä çempionatynyň bu oýny garaşylmadyk netije bilen futbol muşdaklaryny haýran galdyrdy.
Bu ajaýyp ýeňiş mynasybetli Saud Arabystanyň Patyşasy 23-nji noýabry ýurtda dynç güni diýip yglan etdi.
