Ispaniýanyň “Barselona” futbol klubunyň metbugat gullugy klubuň 17 oýunçysynyň Katarda geçiriljek dünýä çempionaty üçin öz milli ýygyndylaryna çagyrylandygyny habar berdi. Bu ähli dünýä çempionatynyň taryhynda rekord hasaplanýar. Bu barada gazeta.ru habar berýär.
“Barselonanyň” oýunçylaryndan dünýä çempionatyna Alehandro Balde, Žordi Alba, Erik Garsiýa, Serhio Buskets, Ansu Fati, Ferran Torres, Pedri, Gawi (hemmesi – Ispaniýa), Andres Kristensen (Daniýa), Mark-Andre ter Ştegen (Germaniýa), Robert Lewandowskiý (Polşa), Usman Dembele, Žýul Kunde (ikisi-de – Fransiýa), Rafinýa (Braziliýa), Memfis Depaý, Frenki de Ýong (ikisi-de – Niderlandlar), Ronald Arauho (Urugwaý) gatnaşar.
Öň, Mýunheniň “Bawariýasy” toparyň 17 oýunçysynyň DÇ-e gitjekdigini habar berdi, ýöne şikes sebäpli ýaryşa nemes klubunyň we Senegalyň milli ýygyndysynyň hüjümçisi Sadio Mane gatnaşmaz. Şeýlelik bilen, “Bawariýadan” ýaryşa 16 oýunçy gatnaşar.
Şeýle-de, “Mançester Siti” 16 oýunçy, “Mançester Ýunaýted” 14 oýunçy, Madridiň “Realy” 13 oýunçy hödürlär.
Ýaryş şu gün başlap, 18-nji dekabra çenli dowam eder. Ol bäş şäherdäki sekiz stadionda geçiriler. Final duşuşygy “Milli stadionda” bolar.
