Şenbe güni telekeçi Ilon Mask tarapyndan ABŞ-nyň öňki prezidenti Donald Trampyň Twitterdäki sahypasynyň blokdan açylandygy yglan edilen badyna Trampyň akkaunty ýene-de hereket edip başlady. Trampyň 2009-njy ýylyň martynda döredilen sahypasynda onuň ähli ýazgylary saklanyp galypdyr. Soňky habarynyň senesi 2021-nji ýylyň 8-nji ýanwary diýip bellenipdir.
Profile girmekdäki üýtgeşmeler Mask beýannama beren dessine bolup geçdi. "Adamlar pikirlerini aýtdylar. Tramp dikeldiler" - diýip, Twitter kompaniýasynyň täze eýesi adybir sosial torda ýazdy.
Anna güni Mask Twitteriň ulanyjylaryndan Trampyň akkauntyny blok etmelimi ýa däl diýip sorady. Pikir soraşma 15 mln ulanyjy gatnaşdy. Blokdan açylmagy üçin 51,8% adam ses berdi, garşy - 48,2%. Şol bir wagtda şenbe güni Tramp, netijäniň nähili boljakdygyna garamazdan, sosial tora dolanmak niýetiniň ýokdugyny aňdyrdy.
