«Mançester Ýunaýtediň» portugaliýaly hüjümçisi Kriştianu Ronaldu we «PSŽ-niň» argentinaly hüjümçisi Lionel Messi Louis Vuitton brendiniň mahabat kampaniýasynda bilelikde düşen suratyny sosial torlarynda çap etdiler.
Hüjümçiler çemedanlaryň mahabatynda surata düşdüler. Şolaryň birinde olar göçümleri barada pikirlenip küşt tagtasynyň başynda otyrlar.
Bu futbolçylaryň ilkinji gezek bilelikde mahabata çykan ýagdaýydygyny bellemelidiris.
"Ýeňiş - bu aňyň ýagdaýy" - diýip, Instagramdaky Louis Vuitton-yň profilindäki suratyň ýazgysynda aýdylýar.
Oýunçylaryň ikisi hem Katarda geçjek 2022-nji ýylyň dünýä çempionatyna gatnaşarlar. Portugaliýanyň ýygyndysy Ronaldu bilen H toparda Gananyň (24-nji noýabr), Urugwaýyň (28-nji noýabr) we Günorta Koreýanyň (2-nji dekabr) toparlary bilen oýnar. Argentinalylar Messi bilen C toparda Saud Arabystanynyň (22-nji noýabr), Meksikanyň (26-njy noýabr) we Polşanyň (30-njy noýabr) toparlary bilen oýnar.
