Garaşsyz dalaşgär Nataşa Pirs Musar ýekşenbe güni Sloweniýada geçirilen prezident saýlawlarynyň ikinji tapgyrynda öňde barýar. Bu barada Associated Press habar berýär diýip, interfax.ru belleýär.
Býulletenleriň köpüsi sanalandan soň, Pirs Musar 54% ses gazandy. Onuň saýlawlardaky bäsdeşi, Sloweniýanyň Demokratik partiýasynyň wekili Anže Logara saýlawçylaryň 46%-i ses berdi.
Logar özüniň ýeňlendigini boýun aldy. Şeýlelik bilen, Pirs Musar Sloweniýanyň prezident wezipesinde ilkinji aýal bolar.
Sloweniýada prezident saýlawlarynyň birinji tapgyry 23-nji oktýabrda geçirildi. Şonda Logar 33,96% ses, Pirs Musar 26,87% ses aldy.
Täze döwlet baştutany 23-nji dekabrda, Sloweniýanyň häzirki prezidenti Borut Pahoryň bäş ýyllyk mandat möhleti tamamlananda wezipesine girişmeli.
