Sloweniýanyň parlamenti Slowen demokratik partiýasynyň lideri Ýanez Ýanşanyň ýolbaşçylygyndaky ýurduň täze hökümetini tassyklady. Bu barada Euronews teleýaýlymy habar berýär.
Syýasatçy premýer-ministr wezipesine dördünji gezek saýlandy. Ol saýlawyň öňündäki kampaniýasy döwründe salgytlary azaltmak, saglygy goraýyş ulgamyny özgertmek we korrupsiýa garşy göreşi güýçlendirmek niyetiniň bardygyny mälim edipdi.
Täze kabinetiň düzülmegi 22-nji martda geçirilen parlament saýlawlaryndan soň ýüze çykan syýasy durnuksyzlyk döwrüni tamamlamaga mümkinçilik berdi. Ses berlişigiň netijelerine görä, syýasy güýçleriň hiç biri hökümeti özbaşdak düzmek üçin zerur bolan köplügi gazanyp bilmändi.
Saýlawlarda öňki premýer-ministr Robert Golobyň ýolbaşçylygyndaky çepçi-merkezçi «Azatlyk» hereketi ýeňiş gazansa-da, oňa koalisiýa gurmak başartmady.
Saýlawlarda ikinji orny eýelän Slowen demokratik partiýasy bolsa sagçy garaýyşly dört sany kiçi partiýanyň goldamagynda minoritar hökümeti düzdi.
