Saud Arabystanynyň hökümeti bir gezeklik wizalaryň hereket ediş möhletini bir aýdan üç aýa çenli uzaltdy diýip, Saudi Gazette habar berýär.
Ministrler Kabinetiniň kararynda aýdylyşy ýaly, "bir gezeklik 90 günlük wizalary indi Saud Arabystanyna islendik maksat bilen barýan daşary ýurt syýahatçylary alyp bilerler ". Owal patyşalykda diňe köpgezeklik ýyllyk wizasy bolanlaryň üç aý galmaga mümkinçiligi bardy.
Şeýle-de hökümet tranzit wizalary bolanlar üçin galmaga rugsat berilýän möhlet babatynda hem düzedişleri girizdi. Täze düzgüne laýyklykda, olar ýurtda hiç hili goşmaça töleg tölemezden 96 sagada çenli galyp bilerler. Tranzit üçin resminamalaryň üç aý güýji bar.
Taryhda ilkinji gezek ýerli häkimiýetler 2019-njy ýylyň sentýabrynda beýleki ýurtlaryň raýatlaryna syýahatçylyk wizalaryny berip başladylar. Ozal daşary ýurtlular patyşalyga diňe iş ýa-da maşgala wizasy, şeýle hem haja barýan zyýaratçylara berilýän rugsatnamalar esasynda girip bilýärdiler.
