Häzirki tapgyrda sarp ediş bahalarynyň ählumumy ösüşi iň ýokary nokada diredi. Bu barada Halkara pul gaznasynyň direktor-dolandyryjysy Kristalina Georgiýewnanyň maglumatlaryny “Bloomberge” salgylanyp, “Forbes” neşiri ýaýradýar.
Bu barada Müsüriň Şarm-el-Şeýh şäherinde geçirilýän BMG-niň her ýylky howa sammitiniň çäklerinde Kristalina Georgiýewna žurnalistlere habar berdi. “Men maglumatlardan öňe geçmekçi däl, ýöne biziň çürbaşyna gelen bolmagymyz gaty mümkin. Indi biz merkezi banklaryň inflýasiýa garşy göreşde jebisligini görýäris. Munuň özi ileri tutulýan ugur we bu dogry. Eger-de biz ýetişmesek, labyrdan hemme zat döwler we bahanyň durnuklylygyny alamatlandyrýan ösüşiň binýady pese gaçar” diýip, Halkara pul gaznasynyň ýolbaşçysy aýdýar.
Şeýle-de ol ýokary wezipeli işgärleriň satyn alyş bahalaryny mümkin bolan depginde peseltmäge çalyşýandyklaryny belledi. “Inflýasiýany 2 göterime golaý bolan islenilýän derejä çenli peseltmek kynrak bolar. Eger biz üpjünçilik zynjyrlarynyň diwersifikasiýasyny görsek, munuň özi hökman bahalarda belli bolar” diýip, Kristalina Georgiýewna sözüniň üstüne goşýar.
