Milliarderler, adaty adamlara garanyňda, atmosfera parnik gazlaryny million esse köp goýberýärler. Bu barada dünýäniň iň baý milliarderleriniň 125-siniň maýa goýumlaryna seljerme geçiren “Oxfam” britan haýyr-sahawat gaznasynyň maglumatlaryna salgylanyp, “CNN” ýazýar.
Nygtalyşy ýaly, milliarderleriň hususy uçarlarydyr ýahtalarynyň howa goýberýän parnik gazlarynyň möçberi, adaty adamyňka garanyňda, müň esse, kömürturşy gazynyň möçberi bolsa million esse köpdür.
“Käbir milliarderleriň “maýa goýum zyňyndylary” umumylykda alanyňda, Fransiýa, Müsür, Argentina ýaly tutuş döwletleriň uglerod zyňyndylarynyň mukdaryna deň” diýip, “Oxfam” guramasynyň howanyň üýtgemegi boýunça esasy hünärmeni Nafkot Dabi aýdýar. Barlaglaryň netijelerine görä, milliarderler energetika, gurluşyk materiallary ýaly daşky gurşawy hapalaýan pudaklara öz maýalarynyň ortaça 14 göterimini goýdular.
“COP27 (BMG-niň 27-nji howa sammiti” bize iri korporasiýalaryň we olaryň maýa goýujylarynyň ählumumy howa çökgünligine getirýän hapalanmadan alýan girdejileriniň eýeleýän ornuny üýtgetmek üçin gerek” diýip, Dabi sözüniň üstüni ýetirýär.
